Dita e shtatë
Një ditë relaksuese në kampin veror të IETT
Duke qenë se dita e djeshme ishte e ngarkuar, por plot me aktivitete argëtuese, kampistët tanë të vegjël sot e kaluan ditën brenda ambientit të Qendrës Kulturore MILENIUM.
Mësime të anglishtes, ndërtim puzzle, not dhe lojëra në terrenet sportive të qendrës sonë, ishin disa nga aktivitetet e programit të sotëm: “Bëhu një kampist i lumtur!”.
Dita e tetë
Eksploroni Tiranën me Kampin Veror të IETT!
Qyteti i Tiranës mirëpret sot Kampin Veror të IETT! Nën motin e përsosur veror, jo shumë të nxehtë dhe as shumë të ftohtë, kampistët tanë të vegjël patën kënaqësinë të vizitojnë disa nga atraksionet kryesore të qendrës së qytetit.
Ndalesa e tyre e parë ishte në Kalanë e Tiranës, një hapësirë e re publike në kryeqytet, me dyqane tradicionale dhe moderne. Pasi bënë një shëtitje përgjatë shëtitores, ata vizituan “The Cloud”, i cili është një instalacion arti që shërben që nga viti 2016, si një hapësirë arti modern për ngjarjet kulturore në Tiranë. Cilësia delikate e strukturës, e shtuar nga forma e saj gjysmë-transparente, si re, sikur të ishte mjegull që ngrihej nga valëzimet e parkut, ishin disa nga cilësitë që ranë në sy të vizitorëve të veçantë të tij.
Më pas ata vizituan “Muzeun Historik Kombëtar i Shqipërisë”, i cili është shtëpia e trashëgimisë së madhe historike dhe kulturore të vendit. Pavarësisht nga interesi specifik i kampistit tonë, Muzeu Historik Kombëtar shfaqi periudhat më interesante dhe më domethënëse të historisë së Shqipërisë dhe me siguri i la pjesëmarrësit në mahnitje absolute.
Xhamia Et’Hem Beut, një nga monumentet historike dhe më të vjetra të kryeqytetit, një pikë referimi e qendrës së qytetit të Tiranës, ishte ndalesa jonë e radhës. Kampistët tanë mësuan se ky monument është një nga objektet e pakta fetare që u kursye nga fushata antifetare e regjimit komunist, i cili shkatërroi shumë nga monumentet fetare të vendit.
Gjithashtu, për të bërë një krahasim mes të vjetrës dhe të resë, ata bënë një vizitë në xhaminë më të re dhe më të madhe të Tiranës, e njohur edhe si Xhamia e Namazgahut. Ende në ndërtim e sipër, ata e panë interesante të shohin Xhaminë e lashtë të Ethem Beut, si edhe Xhaminë moderne, kolosale të Namazgah, 5 minuta më këmbë nga njëra-tjetra.
E fundit, por jo më pak e rëndësishme, në fund të udhëtimit, Radio Kontakt mirëpriti kampin veror të IETT në ambientet e tij! Fëmijëve u mësuan se planifikimi dhe përgatitja është shpesh ndryshimi midis një programi të mirë radiofonik dhe një programi të shkëlqyer radiofonik.
Dita e nëntë
Kampistët tanë sot patën një ekskursion në Shtypshkronjën MILENIUM. Një nga qëllimet tona është që kampistët tanë të zhvillojnë yakonin e shëndetshëm të leximit të librave gjatë dy javëve. Por, për ta bërë më argëtuese, e patëm interesante që ata të njihnin mënyrën se si shtypet një libër. Stafi i këndshëm i MILENIUM i mirëpriti dhe pati një seancë të shkurtër mbi aspekte të ndryshme të printimit, lidhjes dhe prerjes. Ata iu përgjigjën pyetjeve të kampistit tonë me modesti, pasi panë të gjithë procesin e printimit të një libri deri në paketimin e plotë dhe gati për t’u dorëzuar te botuesit ose klientët e tjerë. Pjesa tjetër e ditës iu kushtua sporteve ujore, gatimit të ëmbëlsirave dhe lyerjes me bojë këna.
Dita e dhjetë
Udhëtime në terren të arsimit në natyrë.
Ka qenë një fundjavë e ngjeshur në Kampin Veror të IETT Kampierët tanë patën mundësinë të udhëtojnë drejt qytetit të një mijë dritareve të Shqipërisë, Beratit dhe qytetit antik të Apolonisë. Pasi vizituam Tiranën dhe atraksionet kryesore turistike të saj, udhëtimet tona të përshtatshme për moshën këtë fundjavë përkuan me temën e javës, “Të mësojmë më shumë për Shqipërinë”. Ky ishte një mundësi e shkëlqyeshme për kampistët tanë që të njihnin më shumë me historinë e vendit tonë, duke përjetuar një mjedis të ri në një mënyrë argëtuese dhe të sigurt.
Udhëtimet e këtyre ditëve, u kanë ofruar atyre përvoja arsimore me ndikim dhe i kanë mundësuar të lidhen dhe të fitojnë respekt për komunitetin, për edukimin dhe botën natyrore.
