“K’cimi i Tropojës” bëhet pjesë e Listës Përfaqësuese të Trashëgimisë Kulturore Jomateriale të Njerëzimit në UNESCO, duke u shndërruar në një tjetër simbol krenarie për kulturën shqiptare.
Ky vallëzim karakterizohet nga hapa energjikë dhe ritme të shpejta, duke përfaqësuar një nga perlat e trashëgimisë sonë kombëtare. Për më shumë se gjysmë shekulli, ai ka qenë një pjesë e rëndësishme e repertorit të ansambleve popullore shqiptare, duke ruajtur dhe përcjellë shpirtin e traditës sonë.
Regjistrimi i tij në UNESCO jo vetëm që forcon identitetin kulturor shqiptar, por edhe ndihmon në promovimin dhe mbrojtjen e tij për brezat e ardhshëm, duke e bërë atë të njohur në skenën ndërkombëtare.
